Naukas zientzia ekitaldia, zuzenean, eitb.eus-en

Urtero legez, EiTBk Naukas zientzia ekitaldiarekin bat egingo du. Gaurtik hasi eta larunbatera bitartean Euskalduna Jauregian egingo diren jarduera guztiak zuzenean jarraitu ahal izango dira streaming bidez eitb.eus-en. Halaber, datorren astelehenetik aurrera, zenbait astetan, hitzaldiak banan bana emitituko dira ETB4n, 22:00etan.

Zientzia gizarteari eramatea da, modu erraz eta zehatzean, bederatzigarren  urtez Bilbon ospatuko den Naukas ekitaldiaren helburua. Hamar minutuko hitzaldiak antolatzen dira, baita ikuskizunak, elkarrizketak, sariak eta sorpresaren bat edo beste.

Naukas zuzenean emango da eitb.eus-en bihartik igandera  bitartean, eta hitzaldiak, banan bana ETB4n. Berebat, urritik aurrera ETB2n igande goizero ordu beteko tarte bat zabalduko diote ekitaldiari.