2024/04/28

Igandean ezegonkortasun apur batekin jarraituko dugu. Hala ere, goiza, oro har, nahiko lasaia izango da; giro freskoa nagusituko da eta zeruan ostarteak ikusiko ditugu. Zaparrada bakanen bat salbu, ateri eutsiko dio. Arratsaldean, berriz, zaparradak egiteko probabilitatea handiagoa izango da, eta mardulagoak ere izan litezke, batez ere barnealdean. Baliteke kostaldeko leku batzuetan ia euririk ez egitea. Iparraldeko haizea ibiliko da, arratsaldean gehienbat, eta horrek tenperatura jaitsaraziko du, batez ere ipar partean.

Tenperatura:

• Bilbao: 8/16 ºC
• Donostia:7/16ºC
• Gasteiz:3/14 ºC
• Iruña:2/17 ºC

2024/04/29

Astelehenean giroa egonkorragoa izango da, baina ekialdean giroa nahiko motela eta hezea izango da. Hodeiak eta ostarteak agertuko dira zeruan, baina lurraldearen ipar-ekialdean zerua lainotuago agertuko da, eta baliteke bertan euria egitea. Eguna amaitzerako, ordea, hodeiak gutxitu egingo dira, bereziki mendebaldean. Iparraldeko haizearekin freskotik jarraituko dugu.

Tenperatura:

• Bilbao: 8/17 ºC
• Donostia:7/16ºC
• Gasteiz:3/15 ºC
• Iruña:6/15 ºC

2024/04/30

Giro egonkor eta argiarekin emango diogu amaiera apirilari. Eguneko ordu gehienetan zerua hodei gutxirekin agertuko da; goizean goiz Nafarroa ekialdean eta Iparralden hodeiak ugariagoak izan daitezke. Arratsaldean mendebaldetik hodeiak iritsiko dira eta gauean zerua nahiko estalita geratuko da; orduan euritara jo dezake mendebaldeko eskualdeetan. Hego-mendebaldeko haizea ibiliko da eta, horrekin, tenperatura nabarmen igoko da; hainbat lekutan 20 ºC-ak gaindituko dira. Egunaren amaieran haizeak mendebal/ipar-mendebaldera egingo du.

Tenperatura:

• Bilbao: 8/21 ºC
• Donostia:7/21ºC
• Gasteiz:3/18 ºC
• Iruña:6/22 ºC