Zinema
Omenaldia
Euskadiko Filmategiak Yannick Bellon zuzendariaren ibilbidea omenduko du
Agentziak | Erredakzioa
“Yannick Bellon. La mirada de frente” liburuak lapurtar zinemagilea zenaren bizitza laburbiltzen du, eta haren filmak erakutsiko dituzte Tabakaleran eta Bilboko Arte Ederren Museoan.
-
Biarritzen jaiotako zinemagilearen pelikulak Donostian eta Bilbon ikusi ahalko dira
Euskadiko Filmategiak Yannick Bellon zinemagileari, inork baino lehen bere filmetan bortxaketak edo genero-indarkeria jorratu zituen sortzaileari, begiratuko dio urtero euskal zinemagile bati eskaintzen dion publikazio monografikoan.
2015etik, Filmategiak liburu bat eta atzerabegirako bat eskaintzen dio urritik abendura bitartean euskal zinemagile bati; aurreko protagonistak Victor Erice, Juanma Bajo Ulloa, Daniel Calparsoro eta Helena Taberna izan dira.
Atzerabegirakoa Tabakalera Donostiako zentroan eta Bilboko Arte Ederren Museoan egingo dute, eta Bellonek 24 urte zituela Veneziako Bienalaren saria eraman zuen Goémons (1948) film laburrarekin abiatu zuen 70 urteko ibilbidea erakutsiko du.
1974an, Bellonek Donostiako Zinemaldiko Zilarrezko Maskorra irabazi zuen La femme de Jean pelikulari esker, emakumeen askatasunaren eta ahalduntzearen aldeko lan batekin, eta gerora beste hainbat gai garrantzitsu jorratu zituen bere pelikuletan, hala nola, bortxaketak, bularreko minbizia, artea marginazioari aurre egiteko giltzarri gisa, bisexualitatea eta ekologia.
