kultura
ZINEMA
Estibaliz Urresola zuzendariaren "Cuerdas" film laburrak Urrezko Erraila irabazi du Cannesen
AGENTZIAK | EITB MEDIA
Zuzendari arabarrak "Cuerdas" film laburra aurkeztu du Canneseko Kritikaren Astean, zinema jaialdi entzutetsuaren sail paraleloan.
-
Estibaliz Urresola "Cuerdas" film laburraren egilea. Artxiboko argazkia: EITB Media
Estibaliz Urresola zinemagile arabarraren Cuerdas film laburrak Urrezko Erraila irabazi du Canneseko Kritikaren Astean, zinema jaialdi entzutetsuaren sail paraleloan eta independentean.
Zehazki, Ceux du Rail trenbide elkarteak Kritikaren Astean erakusten diren film labur eta luzeei ematen dien saria jaso du.
Laudioko zinema zuzendariaren arabera, "bidaia onentzat amaiera posible onena da". Urrezko Errailaren sariak berarentzat esanahi berezia duela azpimarratu du, Cuerdas filma Meatzaldean grabatu zutelako trenbideak garrantzi handia izan duen eskualdean.
