kultura
HERIOTZA
Montserrat Caballe sopranoa hil da, 85 urterekin
AGENTZIAK | ERREDAKZIOA
Bartzelonako erietxe batean hil da, gaixotasun baten ondorioz. Irailaren erdialdetik ingresatuta zegoen.
-
Montserrat Caballe. Argazkia: EFE.
Montserrat Caballe soprano kataluniarra hil da, bart, 85 urterekin.
Bartzelonako Sant Pau Ospitalean zegoen ingresatuta, irailaren erdialdetik, eta bertan hil da, gaixotasun baten ondorioz.
Les Corts (Bartzelona) herriko beilatokian egingo da sopranoaren aldeko hileta-ekitaldia, datorren astelehenean.
1933ko apirilaren 12an jaio zen Caballe, Bartzelonako Gracia auzoan, eta 11 urte zituela beka bat lortu zuen, Kataluniako Goi Mailako Musika Kontserbatorioan ikasketak hasteko.
50 urte baino gehiagoko ibilbide oparoan, ehunka opera eta kontzertu eskaini zituen mundu osoko antzoki nagusienetan.
