Pilota
Zesta-punta
Erkiaga-Ibarluzea vs Urrutia-Basque eta Johan-Lekerika vs Olharan-Zabala, gaur, eitb.eus-en eta ETB1en
EITB Media
Eusko Label Winter Seriesek amaiera emango dio abenduaren 30ean multzoen faseari, 10. jardunaldiarekin. Bi neurketa jokatuko dira lehen faseari agur esateko. Norgehiagokak ikusgai izango dituzu ETB1en eta eitb.eus-en, 21:45ean.
-
Eusko Label Winter Series 2024-2025. Argazkia: EITB Media
2024-2025 Eusko Label Winter Seriesek agur esango dio txapelketako multzoen faseari, gaur, abenduaren 30ean. Hamargarren jardunaldia berezia izango da, zesta-puntak agur esango baitio 2024ari, bi partida jokatuta.
Erkiaga-Ibarluzea vs Urrutia-Basque eta Johan-Lekerika vs Olharan-Zabala neurketak jokatuko dira Gernika-Lumoko Jai Alai pilotalekuan. Norgehiagokak ikusgai izango dituzu eitb.eus-en eta ETB1en, 21:45ean.
Erkiaga-Ibarluzea eta Urrutia-Basque bikoteen arteko lehian B multzoko lidertza egongo da jokoan. Erkiagak eta Ibarluzeak 8 puntu dituzte; Urrutiak eta Basquek, aldiz, 7 puntu. Biak daude finalerdietako ligaxkarako sailkatuta, baina multzoko lehen postua lortu nahi dute.
Bestalde, Johan-Lekerika eta Olharan-Zabala bikoteek ez dute aurrera egiteko aukerarik. Hala ere, bi bikoteek B multzoko azkenak ez izatea dute helburu. Johanek eta Lekerikak puntu bakarra pilatu dute orain arte; Olharanek eta Zabalak, berriz, ez dute punturik bereganatu.
