Pilota
Winter Series 2024-2025
Eusko Label Winter Seriesko Erkiaga-Ibarluzea vs Olharan-Zabala partida, gaur, eitb.eus-en eta ETB1en
EITB Media
Bi bikoteek B multzoko bigarren jardunaldiko neurketa jokatuko dute Gernika-Lumoko Jai Alai pilotalekuan. Partida ikusgai izango duzu ETB1en eta eitb.eus-en, 22:20ean.
-
Winter Series. Argazkia: EITB Media
Astelehen honetan, azaroaren 18an, 2024-2025 Eusko Label Winter Series txapelketako beste partida bat jokatuko da Gernika-Lumoko (Bizkaia) Jai Alai frontoian. Erkiaga-Ibarluzea eta Olharan-Zabala bikoteak ariko dira nor baino nor gehiago. Neurketa ikusgai izango duzu eitb.eus-en eta ETB1en, 22:20ean.
Bi bikoteek B multzoko bigarren jardunaldiari ekingo diote. Erkiagak eta Ibarluzeak irabazi egin zuten txapelketako lehen partida, Johan eta Lekerika menderatuta, eta bigarren garaipena jarraian bereganatu nahi dute. Bestalde, Olharan eta Zabala lehen neurketa galtzetik datoz, porrot egin baitzuten Urrutiaren eta Basqueren kontra; ondorioz, irabazi nahi dute, estreinakoz, aurtengo Winter Seriesen.
