Pilota
3. jardunaldia
Eusko Label Winter Serieseko Goitia-Basque vs Erik-Minvielle partida, gaur gauean, EITBn
EITB MEDIA
Gernikako Jai Alai frontoian jokatuko dute neurketa, 19:30ean. Ondoren, 22:15etik aurrera, ETB1en eta eitb.eus-en izango da ikusgai.
-
Eusko Label Winter Series txapelketaren aurkezpeneko argazkia.
Astelehen honetan, azaroak 13, Eusko Label Winter Series txapelketako beste jardunaldi bat jokatuko dute Gernikako Jai Alai frontoian. Erik Mendizabal-David Minvielle eta Alex Goitiandia-Thibault Basque A taldeko bikoteak izango dira aurrez aurre. Norgehiagoka EITBn izango da ikusgai, ETB1en eta eitb.eus-en, 22:15ean hasita.
Erikek eta Miniviellek garaipena behar dute, txapelketako lehen partida galdu baitzuten. Goitiari eta Basqueri ere primeran etorriko litzaizkieke puntuak; izan ere, Goiko-Leke, eta Olharan-Del Rio bikoteen kontra ere partida zailak izango dituzte.
Aritz Erkiagak eta Ion Ibarluzeak txapelketako lehen hiru puntuak lortu zituzten Eusko Label Winter Serieseko bigarren jardunaldian, Johan Sorozabal eta Imanol Lopez mendean hartuta.
