Pilota
Jai Alai Winter Series
Olharan-Etcheto bikotea markagailua iraulita heldu da finalerdietara (1-2)
EITB Media
Gernikako Jai Alai frontoian Barandika eta Lekerika gaindituta, finalerdietan daude jada, Erkiaga-Zabala bikotearekin batera.
Albisteak (2)
Bideoak (8)
Informazio gehiago (1)
Jai Alai Winter Serieseko 5. jardunaldia jokatu zen bart, eta Gernikako Jai Alai frontoia bete zuten 1.400 zaleek partidaz gozatzeko aukera izan zuten.
A Multzoko azken neurketan, Olharan-Etcheto bikoteak finalerdietarako txartela eskuratu zuen, Barandika eta Lekerika gaindituta (1-2).
Erkiaga-Zabala bikotea sailkatuta zegoen, aurretik jokatutako bi partidak irabazita; Barandikak eta Lekerikak puntu bat zuten, 2-1 (12-15, 15-14 eta 5-3) galdu zutelako; eta Olharanek eta Etchetok ez zuten punturik, 2-0 (12-15 eta 8-15) galdu baitzuten.
Lehen setean, Barandikak eta Lekerikak 15-13 irabazi zuten, baina neurketa guztiz aldatu zen, eta bigarrena Olharan-Etcheto bikoteak irabazi ostean (11-15), berdinketa hausteko hirugarren seta ere irabazi zuten (2-5).
Neurketa guztiak ETB1en eta eitb.eus-en ikusi ahal dira, 22:30ean hasita.
SAILKAPENA
A MULTZOA
1. ERKIAGA-ZABALA: 7 puntu
2. OLHARAN-ETCHETO: 3 puntu
3. BARANDIKA-LEKERIKA: 2 puntu
B MULTZOA
1. GOIKOETXEA-AIMAR: 4 puntu
2. BEASKOETXEA-ALDAZABAL: 4 puntu
3. ARBE-LOPEZ: 0 puntu
Puntuatzeko modua: 2-0 irabaziz gero, 4 puntu; 2-1 irabaziz gero, 3 puntu; 2-1 galduz gero, 1 puntu; 2-0 galduz gero, 0 puntu.
Jai Alai frontoia
EGUTEGIA
ERKIAGA-ZABALA vs BARANDIKA-LEKERIKA: 12-15, 15-14 eta 5-3.
ARBE-LOPEZ vs BEASKOETXEA-ALDAZABAL: 12-15 eta 9-15.
OLHARAN-ETCHETO vs ERKIAGA-ZABALA: 11-15 eta 8-15.
GOIKOETXEA-AIMAR vs BEASKOETXEA-ALDAZABAL: 15-12 eta 15-7
BARANDIKA-LEKERIKA vs OLHARAN-ETCHETO: 15-13, 11-15 eta 2-5.
Otsailak 28: GOIKOTEXEA-AIMAR vs ARBE-LOPEZ (22:30, ETB1 eta eitb.eus).
Martxoak 7: Lehen finalerdia. (22:30, ETB1 eta eitb.eus).
Martxoak 14: Bigarren finalerdia (22:30, ETB1 eta eitb.eus).
Martxoak 20: Finala (22:30, ETB1 eta eitb.eus).
