Partida gogorra eta erritmo handikoa jokatu dute Aitor Elordik eta Peio Etxeberriak Zumaian. Bukaera ikusgarria izan da, eta, amaieran, Zentzokoa nagusitu da, azken tanto gogoangarria eginda. Horrela, Etxeberriak lehian segitzen du, eta Elordi txapelketatik kanpo geratu da.

Unai Lasok 13-22 irabazi dio Iñaki Artolari Labriten, eta bigarren puntua bereganatu du jarraian buruz buruko txapelketako final-laurdenetako ligaxkan.

Gipuzkoako pilota federazioak 100 urte betetzen ditu aurten, eta mendeurrena ospatzeko egin dituzten ekimenen artean, karta sorta zinez berezia sortzea dute. Sorkuntzak izan duen arrakasta dela eta, Naipeen Museoan ere jarriko dute.

Urreisti eta Ibarluzea bi setetan nagusitu dira (14-15 eta 11-15) Goixerri eta Lopezen aurka jokatutako lehen partidan. Bigarrenean, Erkiagak eta Gorkak ere Olharan eta Lekerika menderatu dituzte bi setetan (15-8 eta 1-13).

Bost bikote lehiatuko dira Sagardoaren Txapelketako txapela lortzeko apirilaren 28tik ekainaren 16ra eta Javi Urrizaren azken lehiaketa izango da. Partidak astelehenetan jokatuko dira berriro, eta ETB1en eta eitb.eus-en ikusi ahal izango dira.

Bilbon aurkeztu da 2025eko Iron Cup txapelketa. Gizonezkoen mailan Slam kategoriako txapelketa izango da; emakumezkoen mailakoa, aldiz, Master Series kategoriakoa. Partida guztiak eitb.eus-en eta Euskal Telebistan izango dituzu ikusgai.

Aitor Elordi eta Peio Etxeberria nor baino nor gehiago ariko dira Zumaian, apirilaren 27an, Buruz Buruko Txapelketako final-laurdenetako ligaxkako 2. jardunaldiko partidan. Hantxe hautatu dute materiala igandeko hitzordurako.

2025eko Iron Cupa apirilaren 25ean hasi eta maiatzaren 30ean bukatuko da. Partida guztiak Bilboko Deportivon jokatuko dira, eta ikusgai izango dituzu eitb.eus-en zein Euskal Telebistan.

Iñaki Artola eta Unai Laso nor baino nor gehiago ariko dira apirilaren 26an, Labriten, Buruz Buruko Txapelketako final-laurdenetako ligaxkako 2. jardunaldiko partidan. Iruñeako pilotalekuan materiala hautatu dute. Irabazten duenak finalerdietan egoteko aurrerapauso handia emango du.

Errioxarrak Jokin Altuna Buruz Buruko egungo txapelduna gogoz estutu zuen igandeko partidan. Txapeldunak, baina, sakea berreskuratu eta neurketa irauli zuen. 22-15 irabazi zuen Altunak.

Jokin Altunak Javi Zabalak kontra jarri dion markagailua irauli du, eta 22 eta 15 nagusitu da Atanon. Txapeldunak bizirik jarraitzen du. Zabalak, berriz, agur esan dio txapelketari. Iker Larrazabal, bestalde, finalerdietan da iada. 

Baikoko pilotaria 0 eta 8 galtzen hasi da, baina sakea berreskuratu eta partida irauli egin du, 16 eta 2ko partziala eginda.

Markagailu elektronikoa matxuratu egin da Bastidako pilotalekuan, eta Dario Gomezen eta Iker Larrazabalen arteko partida eten egin behar izan dute, eskuzko beste bat ekarri duten arte.

Buruz buruko txapelketako final-laurdenetako ligaxkako lehen jardunaldian Jokin Altuna menderatu ostean, gaur, Iker Larrazabalek 20-22 irabazi dio Dario Gomezi, Bastidan. Pilotari arabarrak partida irauli du bigarren puntua beregantzeko, 20-14 galten joan baita.

Finalean, ostegunean, Erika Mugartegik eta Oaia Otañok Maite eta Frida menderatu dituzte, bi jokotan, eta Aritz Erkiagak eta Gorka Sorozabalek, ordea, Urreisti eta Lekerika hartu dituzte mendean, hirugarren jokoan.

Palista profesionalek greban jarraitzen dute Innpala enpresarekin duten lan-gatazka ez delako konpondu oraindik. Apirilaren 17an ekitaldia egin dute Zierbenan (Bizkaia). Zaleen bbesa jaso dute. Babesa eskaini diete Asier Del Hornok eta Mikel Goñik ere, pala partida bat jokatuta.

Unai Laso eta Peio Etxeberria Buruz Buruko Txapelketako final-laurdenetako ligaxkan estreinatuko dira apirilaren 19an, Lekeition; jada, materiala hautatu dute. Bestalde, Jokin Altuna eta Javier Zabala Donostian lehiatuko dira, 2. jardunaldiari dagokion partidan; hauek ere, hautatu dituzte pilotak.

Datozen hiru urteetako Jai Alai Leagueko azken faseak Donostian jokatuko dira. Beraz, emakumezkoen zein gizonezkoen mailetako 2025, 2026 eta 2027 urteetako Lauko Finalak Carmelo Balda frontoian jokatuko dira.

Dariok eta Larrazabalek ostiraleko Eskuz Banakako partidarako materiala aukeratu dute, eta pozik agertu dira hautatutako pilotekin.

Donostiako Carmelo Balda frontoiak hartuko ditu Jai Alai Leagueko gizonezkoen zein emakumezkoen mailetako Lauko Finalak datozen hiru urteetan. 2025ko Jai Alai Leagueko azken fasea irailean jokatuko da.

Iñaki Artolak, Aitor Elordik eta Iker Larrazabalek egin dituzte tantorik onenak, Buruz Buruko Txapelketako final laurdenetako ligaxkako lehenengo jardunaldian.

Iker Larrazabalek ezustekoa eman du ligaxkako lehen jardunaldian Jokin Altuna egungo Buruz Buruko txapeldun ohiari 14-22 irabazita.

Larrazabal gazteak egungo Buruz Buruko txapelduna izan du aurrean final-laurdenetako ligaxkan. Baikoko pilotaria ez da kokildu, eta tanto ederrak egin ditu; adibidez, markagailuan 5 eta 2koa jarri duena.

Finalak Donostiako Atano III.a pilotalekuan jokatu dira. Adimen urritasunen kategorian, Joseba Altuna eta Iraitz Huegun gailendu dira, finala 25-20 irabazita. Gurpildun aulkien kategorian, berriz, Aingeru Senperena eta Maxi Cabanne nagusitu dira 25-14.