Futbola
Erregina Kopa
Osasuna vs Levante Badalona eta DUX Logroño vs Eibar, Kopako hirugarren kanporaketako partidak
EITB Media
Gorritxoek F Ligako Kataluniako taldearen kontra jokatuko dute etxean; armaginek, aldiz, Lehen RFEF Mailako Errioxako taldeari egingo diote bisita. Neurketak azaroaren 5, 6 eta 7an jokatuko dira.
-
Erregina Kopako garaikurra. Argazkia: @FutFemRFEF
2024-2025 Erregina Kopa aurrera doa, eta urriaren 17an zozkatu dira hirugarren txandako kanporaketak, Espainiako Futbol Federazioaren Las Rozaseko (Madril) Futbolaren Hirian.
Euskal taldeei dagokienez, Osasunak F Ligako Levante Badalona izango du aurkari. Gorritxoek etxean jokatuko dute. Horrez gain, Eibar Lehen RFEF Mailako (Bigarren Maila) DUX Logroñoren kontra lehiatuko da. Armaginek Errioxako taldearen zelaia bisitatuko dute.
Norgehiagokak azaroaren 5, 6 eta 7an jokatuko direla jakinarazi du Espainiako Futbol Federazioak.
Erregina Kopako 3. kanporaketako partidak:
CD Tenerife – Sporting Huelva
Guiniguada Apolinario – Costa Adeje Tenerife
AEM SE – Vila-real
Osasuna – Levante Badalona
Cacereño – Valentzia
DUX Logroño – Eibar
Deportivo Coruña – Betis
Albacete – Granada
