Erregina Kopa 2024

Maddi Aalla Super Amara Bera Bera taldeko atezainak EITB Mediarekin hitz egin du Erregina Kopako finalerako txartela eskuratu ostean. Donostiako taldeak 30-25 irabazi dio Malagari finalerdietan. Finalean Valladolid izango du aurkari.

ETB2k eta eitb.eus-ek zuzenean eskainiko dute maiatzaren 18ko norgehiagoka, euskaraz; eta Euskadi Irratian eta Radio Euskadin ere jarraitu ahalko da. EITBk bat egingo du Donostian egingo den jai handiarekin: "Irabazi Arte", "Go!azen", MAKUSI, Gaztearen DJa eta pantaila erraldoia jarriko ditu.

Amaiur Sarriegi Realeko jokalariak Erregina Koparen finala nola ikusten duen azaldu du gaur Zubietan egindako elkarrizketan. Horrez gain, taldeak bizi duen bolada txarra ere aztertu du.

Realeko entrenatzaileak iragarri duenez, 2023-24 denboraldia amaituta, ez du talde txuri-urdinean jarraituko. Arroyo hunkitu egin da, Realak zabaldutako bideo batean, klubari agur esan dionean.

Donostian, Pausoz pauso, bidea egiten lelopean antolatuko den festa gunean parte hartuko du EITBk, Realarekin, Donostiako Udalarekin eta Gipuzkoako Foru Aldundiarekin elkarlanean. Hain zuzen ere, egun horretako jaiaren egitaraua aurkezteko prentsaurrekoa izan da astearte honetan.

Lehia maiatzaren 10a eta 12a bitartean jokatuko da, Donostian. Kamisetak keinu txiki bat egiten dio Bera Berako rugbi taldeari.

Realak Bartzelonaren aurka jokatuko du Erregina Kopako finala, maiatzaren 18an, Romaredan (Zaragoza). Espainiako Futbol Federazioak baieztatu egin ditu finaleko zelaia eta eguna, baina Gipuzkoako klubak ez du informazio gehiago jaso finalari buruz. (adierazpenak, gaztelaniaz)

Clara Pinedok gola egin du Bartzelonaren eta Athleticen arteko Erreginaren Kopako finalerdietako itzuliko partidan. Bilbotarrak behin-behineko 1 eta 1ekoa lortu du zuri-gorrien alde, bigarren zatian sartutako gol ederrarekin.

Atletico Madrilen aurkako finalerdiko itzuliko partida amaituta, Anoetan izan diren 15.265 zaleek pozarren ospatu dute Realaren balentria.

Nerea Eizagirre, Realeko jokalariak, aurkari haundi baten aurka taldeak sufritzen jakin duela adierazi du, Atletico de Madrili 2-0 irabazi ondoren. Garaipen honi esker, txuri-urdinek Erreginaren Kopako finala jokatuko dute maiatzaren 18an.

David Aznar Athleticeko entrenatzaileak ostegun honetan Erregina Koparen finalaurrekoetako Bartzelonaren kontrako itzuliko partida nola ikusten duen azaldu du asteazken goizean emandako prentsaurrekoan.

Atletico Madrilen aurka jokatuko du Realak gaur arratsaldean Erregina Kopako finalaurrekoetako itzulikoa, 18:30etik aurrera, Reale Arenan. Garaipena lortzea espero dute Realzaleek.

Nahia Aparicio Realeko jokalariak asteazken honetan Atleticoren kontra jokatuko duten Erregina Kopako partidaren inguruan hitz egin du. Horrez gain, aipatu du bere lehen partida izango dela Reale Arenan, eta txikitako ametsa beteko duela.

Maddi Torre Athleticeko jokalariak argi onartu du Bartzelona gehiago izan dela San Mamesen jokatu den Erregina Kopako finalerdietako joaneko partidan. Zuri-gorriek 0-3 galdu dute, baina itzuliko neurketan "aurpegia ematen" saiatuko direla aurretatu du.

Amaiur Sarriegik sartu du Realaren gola Atletico Madrilen aurkako partidan. Neurketa oso parekatua izan dela nabarmendu du amaieran, eta berdinketa bidezkoa iruditzen zaiola.

Elene Lete Realeko atezainak lehen zatiko 35. minutuan aurka zuten penaltia gelditu dio Sheila Guijarro Atletico Madrileko jokalariari.

Bartzelonaren aurkako partida "ilusioz" eta "emozioz" beteta egongo dela adierazi du David Aznar Athleticeko entrenatzaileak. Bartzelonan itzulerako partida dageoen arren, zuri-gorriek "final bat" balitz bezala egingo diote aurre lehiari.

Eguzkiñe Peña 6 urtez izan zen Realeko jokalaria eta 2012an Euskal Herriko kopa irabazi zuen Realarekin. Jokalari ohiak taldean izan zuen ibilbideari buruz hitz egin digu saioan.

2021ean 'Kirolari Gaittun' podcasta jarri zuten martxan Ane Urkirik eta Maddi Garmendiak. Anek 2011n Realeko nesken bloga sortu zuen, eta 2017ra arte partekatu ditu berriak bertan. Erregina Kopa eta emakumeen kirola izan ditugu hizpide "Biba Zuek"en.

Ane Azkonak eta Irene Oguizak uste dute Bartzelona dela talderik zailena, izan ere, munduko talde onenetarikoa da. Kontzentratuta egon beharko dira partidan zehar, eta agertu litezken aukerak ahalik eta gehien aprobetxatu beharko dituzte.