Futbola
Erregina Kopa 2024-2025
Bizkerre-Alaves eta Racing Santander-Osasuna, Erregina Kopako lehen txandako kanporaketak
EITB Media
Euskal derbia jokatuko dute Bizkerrek eta Alavesek Kopako estreinako txandan. Bestalde, Osasunak Racing izango du aurkari Santanderren. Partidak irailaren 10etik 12ra artean jokatuko dira.
-
Erregina Kopa. Argazkia: @FutFemRFEF
2024-2025 denboraldiko Erregina Kopa irailaren 10ean jarriko da abian. Lehen Mailako taldeak ez dira lehian sartuko oraindik. Lehen txandako kanporaketen zozketa abuztuaren 9an egin da, Las Rozasko (Madril) Espainiako Futbol Federazioaren egoitzan.
Hala, bada, Bizkerreren eta Alavesen arteko euskal derbia izango da kanporaketetako bat. Norgehiagoka Bizkerreren zelaian jokatuko da. Horrez gain, Osasunak Racing Santander izango du aurkari Santanderren. Partidak irailaren 10a eta 12a bitartean jokatuko dira.
Erregina Kopako lehen txandako kanporaketak:
Bizkerre - Alaves
Racing Santander - Osasuna
Padrejon - DUX Logroño
Atletico Villalonga - Deportivo Coruña
Kordoba - Malaga
Zaragoza - Huesca
Oviedo - Sporting
Real Union Tenerife - CD Tenerife
Rayo Vallecano - Getafe
Femarguin - Juan Grande
Union VIera - Guiniguada Apollinario
La Solana - Alba Fundación Femenino
Albacete - Cacereño
Balears - Aem SE
Espanyol - Europa
Elx - Alhama
