Futbola
Erreginaren Kopa
Osasuna-Athletic, Erreginaren Kopako final laurdenetan
EITB MEDIA
Nafarroako eta Bizkaiko taldeek, partida bakarrean, Erreginaren Kopako Lauko Finalerako sailkatzeko jokatuko dute. Kanporaketa martxoaren 7an, jokatuko dute, 18:30ean, eta Osasuna izango da etxeko taldea.
-
Osasuna-Athletic kanporaketa martxoaren 9an izango da. Argazkia: RFEF.
Osasuna eta Athletic elkarren aurka arituko dira Erreginaren Kopako final laurdenetan, martxoaren 7an, 18:30ean, partida bakarrean eta Osasuna etxeko talde gisa, ostiralean Madrilen egindako zozketak zehaztu duenez.
Hala, bi taldeak derbi batean lehiatuko dira Lauko Finalerako txartela lortzeko. Lauko Final horretan erabakiko da Erreginaren Kopako aurtengo txapelduna zein talde izango den, eta maiatzaren 23tik 28ra bitartean jokatuko dute.
Erreginaren Kopako final laurdenetako kanporaketak
Osasuna - Athletic (martxoak 9, 18:30ean).
Alhama – Granadilla Tenerife (martxoak 7, 17:30ean).
Granada – Atletico Madril (martxoak 8, 21:00etan).
Vila-real – Real Madril (martxoak 9, 21:00etan).
