Osasuna
Erregina Kopa
Osasunak ezin izan du Levante Badalonaren aurka (0-3), eta Erregina Kopatik kanpo gelditu da
EITB MEDIA
Kataluniako taldeak Taxoaren hartu du mendean, asteazkenean, hirugarren kanporaketan, Nafarroako taldea, eta, horrenbestez, Josu Dominguezenak ez dira izango final zortzirenetako zozketan.
-
Osasunak galdu egin du, Kopan, Levante Badalona aurkari. Argazkia: Osasuna.
Osasuna 2024-25 denboraldiko Erregina Kopatik kanpo gelditu da, asteazkenean; izan ere, txapelketako hirugarren kanporaketan, Levante Badalonak talde gorritxoa hartu du mendean, 0-3, Taxoaren. Julia Maillok, lehen zatian, eta Laurak eta Paulak, bigarrenean, Kataluniako taldeari final zortzirenetarako txartela eman dioten golak sartu dituzte.
Testuinguru horretan, eta kontuan izanik Osasunaren aurkaria oso sendo dabilela F Ligako sailkapenean, Osasuna bizi-bizi zelairatu da, aurrea hartzeko asmotan. Maillok 29. minutuan sartutako gola giltzarria izan da; izan ere, Levante Badalona, aurretik markagailuan erosoago aritu da. Nafarroako taldeak, baina, ez du amore eman, eta ahalegindu da berdinketaren gola lortzen.
0-2koa Laurak egin du, 52. minutuan, eta 0-3koa, 81.ean, Paulak. Bigarren zati horretan, Levante Badalonak nagusitasuna erakutsi du.
Beraz, final zortzirenetako zozketan, bi euskal talde izango dira, alegia, egungo txapeldunordea den Reala, eta Athletic.
