Arrauna
Kontxa, 1. jardunaldia
Urdaibai, Zierbena eta Donostiarra gizonezkoetan, eta Arraun Lagunak emakumezkoetan, faborito nagusi
L. E. A. | EITB MEDIA
Arraun Lagunak Euskotren Ligako irabazleak dena alde du iazko garaipena berresteko. Gizonezkoetan, Zierbenak eta Urdaibaik argi utzi zuten indartsuenak direla asteazkeneko sailkatze estropadan.
-
Arraun Lagunak eta Orio, 2023ko Kontxako Banderan. Argazkia: Efe.
Igandean jokatuko den Kontxako Banderako lehen jardunaldiak faborito argiak ditu, batez ere emakumezkoen lehian. Arraun Lagunakek Euskotren Liga irabazi berri du eta trainerurik indartsuena izan da orain arte. Gizonezkoetan berriz, hiru dira guztion kinieletan agertzen diren izenak: Urdaibai, Zierbena eta etxeko trainerua, Donostiarra.
Lehen jardunaldia, oso-osorik zuzenean emango dute eitb.eus-ek eta ETB1ek.
Lehia emakumezkoen estropadak hasiko du. Donostiako bi traineru izango dira zortzi onenen artean, Donostiarra, etxeko trainerua izateagatik, zuzenean sailkatuta dagoelako. Bestea Arraun Lagunak da, Euskotren Ligako irabazlea, eta osteguneko sailkapen estropada irabazi zuena.
Donostiarrek aurtengo ligan jokatutako 16 banderetatik 15 irabazi dituzte. Azkenengoan kale egin zuten eta Tolosaldeak lortu zuen garaipena, ezustekoan. Tolosaldea da, hain zuzen, Arraun Lagunaki garaipena oztopatu diezaiokeen bakarra, emakumezkoen estropadaren 17. ekitaldi honetan.
Astillero, Chapela, Hibaika, Kaiku eta Orio dira lehian izango diren gainontzeko bost traineruak.
Emakumezkoen txandak
1. TXANDA: Orio, Chapela, Kaiku eta Astillero
2. TXANDA: Tolosaldea, Arraun Lagunak, Hibaika eta Donostiarra.
Gizonezkoen txandak
1. TXANDA: Hondarribia, Cabo, Kaiku eta Zierbena.
2. TXANDA: Orio, Getaria, Urdaibai eta Donostiarra.