Arrauna
Bandeira Cidade da Coruña
Arraun Lagunakek Coruñako Bandera irabazita hasi du Euskotren Liga
EITB MEDIA
Donostiarrak aise gailendu dira lehen txandan. Bigarren eta hirugarren bigarren txandan aritu diren Orio eta Tolosaldea izan dira.
![Aeeaun Lagunak, Coruñako Banderarekin Aeeaun Lagunak, Coruñako Banderarekin](http://media.eitb.eus/multimedia/images/2024/06/29/3245221/20240629195542_arraun-lagunak_foto610x342.jpg)
![](http://images14.eitb.eus/multimedia/recursos/generales/play_gris_grupohome.png)
Arraun Lagunakek irabazi du Coruñako Bandera, Euskotren Ligako lehenengo jardunaldiko estropada. Donostiarrak lehenengo txandan aritu dira, Orio, Cabo da Cruz eta Tiran ontziekin batera. 12, 38 eta 54 segundo atera dizkie, hurrenez hurren, txandako hiru aurkariei.
Arraun oso nagusi izan da lehen paladetatik; ziabogan 7 segundoko aldea atera dio Oriori, 21 Cabori eta 24 Tirani.
Bigarren txandan Hibaika, Tolosaldea, Hondarribia eta Donostiarra aritu dira. Aurreko txandan ikusitakoa baina lehia estuagoa eskaini dute lau ontziek, batez ere Donostiarraren eta Tolosaldearen arteko lehiari dagokionez. Donostiarra aurretik aritu da itzuliko luzera arte, baina ziabogan segundo bakar bateko aldea izan du Tolosaldearekiko.
Bueltako luzean, baina, Tolosaldeak aurrea hartu du eta eurek irabazi dute txanda, estropadako hirugarren denborarik onena eginda, lehen txandan aritu diren Arraun Lagunaken eta Orioren atzetik.
Ligako sailkapenean, Arraun Lagunak lider da 8 punturekin, Oriok 7 ditu eta Tolosaldeak 6.
![Coruñako Banderako sailkapena Coruñako Banderako sailkapena](http://media.eitb.eus/multimedia/images/2024/06/29/3245188/20240629180950_sailkapena-euskotren-coru_foto610x342.jpg)
Coruñako Banderako sailkapena
![Euskotren Ligako sailkapena Euskotren Ligako sailkapena](http://media.eitb.eus/multimedia/images/2024/06/29/3245187/20240629180908_euskotren-liga-corunako-b_foto610x342.jpg)
Euskotren Ligako sailkapena