Landaberri
Haziak
Haziak, zertarako eta nola egin zureak
Marc Badal eta Miguel Arribas "Kelo" urteetan ari dira haziekin lanean, haziez ikerketak egiten. Orain liburua argitaratu dute eta horri buruz aritu gara egileetako batekin, Kelorekin. Beizamako Leunda Baserrian, Alekan hartu gaitu.
-
Miguel Arribas, Kelo. Alekan.
31:55 min
Miguel Arribas, Kelok kontatu digunez, "haziak galdu ezinezko ondare dira. Gure elikadura sistemari eusteko ezinbestekoak. Geuk erabaki behar dugu nolako elikadura sistema nahi dugun, ezin dugu hori utzi multinazionalen menpe eta horretarako oso garrantzitsua da haziak geuk lantzea".
Marc Badalekin batera haziei buruzko liburu mardula argitaratu dute Argiarekin. Haziei buruzko informazio praktiko izugarri biltzeaz aparte, agronekazaritzari lotutako artikulu eta iritziak ere bildu dituzte liburuan. Hazigintzan eskarmentua dutenentzako baliagarri baina baita hasi-berri direnentzat ere.
