Faktoria
Bigarren Laurdena
Ingurumen arloan, XXI. mendeak "gure tokian" jarri gaitu
MIKEL ROTAETXE| EITb Media
XXI. mendeko aldaketa nagusiak aletu eta etorkizunera begira jartzen gara asteazkenetan 'Faktoria'n. Ingurumenaz, energiaz eta zientziaz aritu gara bigarren saioan Fermin Alvarez, Garbiñe Manterola eta Markel Peñalbarekin.
-
Klimaren aldeko mobilizazioak, New Yorken
26:52 min
Modernitatearen eta abangoardiaren ikurtzat dugun XXI. mendeak lehen laurdena beteko du aurki. Eta, 'Faktoria'-n, denbora-urrats soila baliatu nahi dugu atzera begirakoa egin, munduak izan duen eboluzioa aztertu eta etorkizunerako begirada zorrozteko. Bigarren atalean, ingurumenaz, energiaz eta zientziaz aritu dira Fermin Alvarez itsas-geologoa, Garbiñe Manterola BRTAko transferentzia arduraduna eta Markel Peñalba Mondragon Unibertsitateko eta Ikerbasqueko ikerlaria
Ingurumenak agendaren zentralitatea hartu duela nabarmendu dute solaskideek, herritarren lehentasunen artean kokatu direla klima-kontuak, baina inoiz ez bezala hauspotu direla klima larrialdia zalantzan jartzen duten diskurtso ukatzaileak. Bide onetik aurrera egiteko, pentsamolde berriez gain, zientziaren, teknologiaren eta etikaren premia nabarmendu dituzte.
