Faktoria
AMETSAK BETETZEAZ
Marcos Tedin-Uriburu: "Nire patua Argentinakoari lotua dagoela uste dut"
Jon Artano | EITb Media
Marcelo Bielsaren erruz hasi zen euskara ikasten Tedin-Uriburu gazte porteñoa, 20 urterekin. Garai hartan, hiru amets erne zitzaizkion: Euskal Herrira etortzea, EITBn lan egitea, eta BERRIA kazetan lan egitea. "Ahalegin handia egin ostean, ametsak bizitzen ari naiz orain".
-
Tedin-Uriburu, Euskadi Iratiko estudio batean
16:13 min
"Nik uste dut etxetik urrun inoiz ez nagoela erabat ondo". Aitorpenaren aurretik ere igarri zaio, herrimin zamatxoa ekarri duela Buenos Airesera egindako azken bidaiatik bueltan. Hegazkin joan-etorriez harago, bidaia harrigarria da Marcos Tendin-Uriburu egiten ari dena. Ezina ekinez egina leloa du gogoko. Komunikazioa ikasten ari zela ekin zion, hutsetik, euskara ikasteari; gaur egun geure hizkuntzan kronikak erreportajeak eta elkarrizketak argitaratzen ditu egunero.
