Herriak eta Hiriak
Nafarroa
Porru bat erretzen ari zela patinete elektrikoan ibiltzeagatik salatu dute, Tuteran
Agentziak | Erredakzioa
Foruzaingoaren arabera, agenteak 29 urteko gizona idenfitikatzera joan direnean, prakak eta azpiko arropa jaitsi zituen, guztiz biluzik geratu arte.
-
Monoziklo elektrikoaren irudia / Argazkia: Foruzaingoa.
Foruzaingoak 29 urteko gizon bat salatu du monoziklo elektrikoan ibiltzeagatik marihuana erretzen ari zen bitartean.
Hiritarren segurtasuneko agenteak ikustean, gazteak lurrera bota zuen porrua, eta agenteak identifikatzera hurbildu zirenean, prakak eta azpiko arropa jaitsi zituen, guztiz biluzik geratuta.
Agenteen aurkako irainak eta oihuak bota zituen, eta keinu zikinak egin zituen. Poliziak exhibizionismo lizunagatik salatu zuen.
Behin lasaituta, agenteek 2,8 gramo marihuana zuen poltsa txiki bat aurkitu zuen bere gauzen artean. Beraz, poliziak bide publikoan estupefazienteak izateagatik salatu zuen.
Gainera, ibilgailu elektriko batean ibiltzen ari zenez, droga-proba bat egin zioten, eta positibo eman zuen. Horregatik beste salaketa bat jaso zuen.
Garraio horiek ibilgailutzat hartzen dira Bide Segurtasunaren Legean, eta gidariei drogak antzemateko proba egin ahal zaie.
Legearen arabera, 1.000 euro eta sei puntuko zigorra dakar ibilgailu bat organismoan droga izanda gidatzeak. Kasu honetan, gidatzeko ez denez beharrezkoa gidabaimena izatea, ez zitzaion punturik kendu.
