Neuralink gizakietan garuneko inplanteekin ikerketak egiten hasiko da

Elon Musken Neurolink konpainia garuneko inplanteek gizakietan duten eragin aztertzen hasiko da, Farmakoen eta Elikagaien Administrazioak (FDA) onartu ondoren. Garuneko jarduera "atzematea" izango da inplante horien eginkizuna, larriki kaltetutako garuneko funtzio batzuk berreskuratzen lagunduko duten aginduak transmititu ahal izateko.

Abenduaren hasieran, enpresa prest zegoela mota horietako inplanteak praktikan jartzeko adierazi zuen Muskek. Ordutik, FDA kezkatuta agertu zen inplanteek eragin zitzaketen kalteengatik, baina azkenean proiektua onartzea erabaki du administrazioak.

"Lehen urrats garrantzitsua da, egunen batean gure teknologiak pertsona askori laguntzea ahalbidetuko duena", adierazi du Neurolinkek onespenaren berri izan ondoren.

Gaur egunera artea erabili diren garun-inplanteek norabide bakarrekoak izan dira; hau da, burmuinetik at informazio bidaltzen zutenak. Inplante berri hauek, aldiz, bi norabidetan transmitituko dute informazio. Beraz, garunetik informazioa bidali ez ezik, seinalea jaso ere izan ahalko dute.

Horien eginkizuna garuneko jarduera "atzematea" izango da. Era horretan, kaltetutako garunaren funtzioak berrezartzeko aginduak transmititu ahal izango ditu; komunikazio-gaitasunean kalte larria eragiten dituzten funtzioak, alegia.