Elon Muskek Twitterreko langileen % 75 kaleratzea aurreikusten du

Elon Musk Teslaren eta SpaceXen kontseilari ordezkariak Twitterreko inbertitzaileei iragarri die langileen % 75 kaleratzeko asmoa duela azkenean konpainia bere egiten badu, The Washington Post egunkariak jakitera eman duenez.

Enpresariak 5.500 langile kaleratu nahi ditu, eta plantilla 2.000 behargin inguruan utzi.

Horren aurrean, Sean Edgett Twitterren abokatuak barne mezu bat zabaldu du esateko enpresa ez dela kaleratzeak prestatzen ari.

Twitterrek lehendik ere bazuen lantaldearen zati bat kaleratzeko asmoa arrazoi ekonomikoengatik, baina ez hiru laurdenak, aipatu hedabidearen arabera.

Musken neurriak ez lieke soilik langileei eragingo, konpainiak azpiegiturak eta datu zentroak ere galduko ditu.

Muskek urriaren 28ra arteko epea du Twitter bere egiteko, konpainiarekin epaiketarik izan nahi ez badu behintzat. Hala, enpresariak jatorrizko akordioarekiko konpromisoa agertu zuen, hau da, 44.000 milioi dolarren truke erosteko.