Politika -

ALDERDI POPULARRA

PPk Sanchezen dimisioa eskatu du Gabonak zoriontzeko zabaldu duen bideoan

Sare-sozialetan zabaldutako bideoan, azpitituluetan erdi-ezkutuan ageri da Espainiako presidentearen dimisioa eskatzen duen mezua. Hizki larriz nabarmenduta agertzen dira zenbait letra, eta horiek elkarren segidan jarrita, ondorengoa diote: "Sanchez dimititu".

PPk zabaldutako bideotik hartutako bi irudi.
PPk zabaldutako bideotik hartutako bi irudi.
PPk zabaldutako bideotik hartutako bi irudi.

AGENTZIAK | EITB MEDIA

Whatsapp Facebook Twitter Telegram Email

Beste behin Pedro Sanchez Espainiako Gobernuko presidentearen dimisioa eskatu du Alderdi Popularrak. Oraingoan, Gabonak zoriotzeko sare-sozialetan argitaratu duen bideoa erabili du PPk mezu hori zabaltzeko. Eskaria erdi ezkutatuta dago bideoaren azpidatzietan: hizki larriz nabarmendutako letrak bata bestearen ondoan ipinita, mezu hau irakurri daiteke: "Sanchez dimititu".

Halaber, Alberto Nuñez Feijoo buru duen alderdiak egunotako ospakizunetan "Gabonak aukera" aktibatzea eskatu du, eta, ahal dela, "politikaz ez hitz egiten" saiatuko direla dio.

Gabon jai zoriontsuak opa ondoren, Feijooren hitzekin amaitzen da bideoa: "Gabon zoriontsuak! Etorkizun zoriontsua!".

Hau zure interesekoa bada, baliteke beste gai hauek ere izatea
Politika PSOE PP Espainiako Gobernua Pedro Sánchez Eguneko albisteak Albisteak Alberto Núñez Feijóo