Mazonek "buloak eta gezurrak" baztertzeko eskatu, eta "kontraesanak" leporatu dizkio Espainiako Gobernuari

Carlos Mazon Valentziako Generalitateko presidenteak eskatu du alde batera uzteko urriaren 29an berak egin zuenaren inguruko "buloak eta gezurrak", eta berretsi du ez zela inkomunikatuta egon bazkaltzen egon zen bitartean, Cullerako alkatearekin hitz egin zuela, besteak beste. Gainera, Espainiako Gobernua, bere erakundeen bitartez, "kontraesanetan erortzen" ari dela salatu du. Mazonek L'Elianan egin ditu adierazpenok, Larrialdien Koordinaziorako Zentroan CECOPIk egin duen batzarrera joan denean. Foratako urtegia apurtu egin zitekeela jakinda Espainiako Gobernuak agintea zergatik ez zuen hartu galdetu du: "Gobernuak 17:30ean 80.000 valentziarren bizitza arriskuan egon zitekeela jakinda ez zuen agintea bere gain hartu CECOPIn, Gobernua bera parte den organoan, erabakiak hartzeko gai ez zirelako?". Sanchezek Kongresuan agerraldia eskatu du azaroaren 27rako, goialdeko depresioari buruzko azalpenak emateko Mazonek esan du "gezurra" eta "egunotako bulo handienetako bat" dela bost orduz bazkari batean inkomunikatuta egon izana; izan ere, 18:28an Cullerako alkatearekin eta "beste batzuekin" hitz egin zuela esan du: "Ni ez nintzen inkomunikatuta egon. CECOPI 17:00etan osatu zen, eta ni 17:30ean deiak jasotzen ari nintzen, kontseilariarenak, Diputazioko presidentearenak…". Era berean, esan du bere eguneko agendari eutsi ziola "mundu guztia prest" zegoelako eta bera parte ez den organoa osatuta zegoelako. Boluntarioak Paiportan. Argazkia: EFE Horren esanetan, hori da bulo handienetakoa, CECOPI "guztiz osatuta" zegoelako eta "inor ez zegoelako Generalitateko presidentearen zain erabakiak hartzeko". AEMETek, UMEk eta Espainiako Gobernuak ezbaian jarri dituzte Mazonen adierazpenak Mazonek berretsi du ezinezkoa izango zela Generalitatearen zain egon behar izatea erabaki teknikoak hartzeko, horrek "erreakziorako gaitasunik eza" eragingo lukeelako. Larrialdietarako Unitate Militarra ere izan du hizpide, eta kritikatu du "aldi berean esatea Generalitatearen baimenik gabe ezin dela martxan jarri, ezin zuela ezer egin, eta egun batzuk geroago esatea Generalitatearen baimenik gabe lanean ari zela. Zein da egia?".

Mazonek "buloak eta gezurrak" baztertzeko eskatu, eta "kontraesanak" leporatu dizkio Espainiako Gobernuari

Esteka kopiatuta