Politika -

'KOLDO AUZIA'

Auzitegi Nazionalak Abalos ikertzeko eskatu dio Auzitegi Gorenari

Imael Moreno epaileak uste du buruzagi sozialistak 'Koldo auzia' delakoan "zeregin garrantzitsua" duela esateko "zantzu serioak eta sendoak" daudela.

Jose Luis Abalos, artxiboko irudi batean. Argazkia: EFE
Jose Luis Abalos, artxiboko irudi batean.
Jose Luis Abalos, artxiboko irudi batean. Argazkia: EFE

AGENTZIAK | EITB MEDIA

Whatsapp Facebook Twitter Telegram Email

Ismael Moreno 'Koldo auzia' bideratzen ari den Auzitegi Nazionaleko epaileak Jose Luis Abalos diputatu sozialista eta Espainiako Gobernuko Garraio ministro izandakoa ikertzeko eskatu dio Auzitegi Gorenari, Ustelkeriaren aurkako Fiskaltzak hala eskatuta.

Gaur kaleratutako ebazpenean, Ministerio Publikoaren arrazoiak bere eginda, epaileak Gorenera igorri du Abalos ikertzeko eskaria, buruzagi sozialista foruduna izanda, hari dagokiolako auziaren gaineko erabakia hartzea.

Epaileak uste du Abalosi funtzionario-eroskeria, eragimen-trafikoa eta erakunde kriminala delituak egozteko zantzuak badaudela, pandemia betean, 2020an, musukoen kontratuen esleipen publikoan egon zitezkeen irregulartasunetan eta komisioetan ustez parte hartu zuelakoan.

"Koldo Garcia —Abalosen aholkulari ohia— eta Victor de Aldama enpresaburuak martxan jarritako sarea ulertzea ezinezkoa da Abalosek parte hartu gabe", Morenoren arabera.

Joan den astean eskatu zion Fiskaltzak Morenori auzia Gorenaren esku uzteko.

Hau zure interesekoa bada, baliteke beste gai hauek ere izatea
Diputatuen Kongresua Politika PSOE Auzitegi Gorena Espainiako Gobernua Ustezko ustelkeria politikoa Eguneko albisteak Albisteak