Politika -
''Koldo auzia''
Auzitegi Nazionalak atzera bota du PPk PSOEren aurka jarritako kereila, legez kanpoko finantzaketagatik
Sozialistek kereila bat aurkeztuko dute Alberto Nuñez Feijooren alderdiaren aurka, irainengatik eta kalumniengatik.
AGENTZIAK | EITB MEDIA
Santiago Pedraz Auzitegi Nazionaleko epaileak baztertu egin du zantzu nahikorik dagoenik PPk PSOEren eta "Koldo auzia" deiturikoaren hainbat inputaturen aurka jarritako kereila tramitera onartzeko, ustezko finantzaketa irregularragatik.
Ustelkeriaren Aurkako Fiskaltzaren tesiaren ildotik, magistratuak uste du PPk oinarri zuen kazetaritza informazioak ez duela ikerketa bat irekitzeko adina entitate; jurisprudentziaren arabera, delituzko jokabide bat zedarrituko lukeen "daturen, gertaeraren edo inguruabarren batean" oinarrituta egon beharko luke.
"Oro har, albiste batek, berak bakarrik, ez dio inolako zilegitasunik ematen herri-akziodun bati kazetaritza-kontakizuna zigor-arloko prozesua eragin duten zigortzeko moduko gertakarien kontakizun bihurtzeko. Zerbait gehiago behar da", adierazi du Pedrazek kereila ez onartzea erabakitzen duen autoan.
Enma Lopez PSOEren Kongresu Federaleko batzorde antolatzaileko kideak pozik hartu du erabakia, eta berretsi du sozialistek beste kereila batekin erantzungo dutela Alberto Nuñez Feijoorenen aurka, irainengatik eta kalumniengatik.
