Politika -
Gipuzkoa
PSE-EEk eta EAJk Eibarko Udala koalizioan gobernatzeko ituna adostu dute
Orain arte sozialistak bakarrik zeuden Udal Gobernuan. PSE-EEk zazpi zinegotzi ditu eta EAJk sei; beraz, EH Bildu (sei zinegotzi) eta Elkarrekin Podemos (zinegotzi bakarra) oposizioko talde gisa geratuko dira.
Agentziak | EITB Media
PSE-EEk eta EAJk koalizioan gobernatzeko akordioa itxi dute Eibarko Udalean (Gipuzkoa). Orain arte, sozialistek bakarrik zuzentzen zuten udala.
Bi indar politikoek agerraldia egingo dute asteazken honetan, itunaren berri emateko. Jon Iraola Eibarko alkatea, Ana Telleria Eibarko Sozialisten Elkarteko idazkari nagusia, Eva Juez EAJren Udal Batzarreko presidentea eta Alberto de la Hoz zinegotzi jeltzalea izango dira prentsaurrekoan.
Sozialistek zazpi zinegotzi dituzte Udalbatzan, eta jeltzaleek, berriz, sei; beraz, EH Bildu (sei zinegotzi) eta Elkarrekin Podemos (zinegotzi bakarra) oposizioko talde gisa geratuko dira.