Albiste izango dira: Puigdemonten itzulera, Peronaren heriotza eta Argintxonaren hilketa

Honako gai hauek hartuko dituzte gaur, 2024ko abuztuaren 8an, hedabideetako lerroburu nagusiak:

- Puigdemonten itzulera: Carles Puigdemont Kataluniako presidente ohia eta Juntsen buruzagia Kataluniara itzuliko da, erbestean zazpi urte eman ondoren. Illaren inbestiduran parte hartzea da bere asmoa, baina liteekena da atxilotua izatea. Izan ere, Auzitegi Gorenak hura atxilotzeko agindua emana du, Kataluniako prozesuaren auzian dirua bidegabe erabiltzea egotzita. 

- Jokin Peronaren heriotza: Jokin Perona Gipuzkoako Ogasun diputatuaren gorpua Donostian da. Politikari jeltzalea astearte gauean zendu zen, 10 urteko semearekin bizikletan zihoala auto batek harrapatuta, Zamoran. Peronaren beilatokia 10:00etan zabalduko dute Donostiako Errekalde tanatorioan, eta haren aldeko elizkizuna ostiralean egingo dute bere jaioterrian, Orion. 

- Argintxonaren hilketa: Panamako Poliziak bi gizon atxilotu ditu Eneritz Argintxona 30 urteko bizkaitarraren hilketarekin zerikusia dutelakoan. Erandioko bizilaguna hilotz topatu zuten uztailaren 26an Carenero uharteko (Bocas de Toroko artxipelagoa) hondartza batean, buruan kolpea zuela.