Politika -

AUZITEGI NAZIONALA

Garcia Gazteluri eta Gallastegiri 110 urteko espetxe-zigorra ezarri diete, Manuel Zamarreñoren hilketagatik

1998ko ekainaren 25ean hil zuen ETAk Errenteriako zinegotzi popularra, moto-bonba bat leherrarazita. Haren alargunari eta seme-alabei milioi erdiko kalte-ordaina ordaintzera ere zigortu dituzte bi auzipetuak.

Auzitegi Nazionala, artxiboko irudi batean.
Auzitegi Nazionala, artxiboko irudi batean.
Auzitegi Nazionala, artxiboko irudi batean.

AGENTZIAK | EITB MEDIA

Whatsapp Facebook Twitter Telegram Email

Xabier Garcia Gaztelu eta Irantzu Gallastegi ETAko kide ohiei 110 urteko espetxe-zigorra ezarri die Auzitegi Nazionalak, Manuel Zamarreño Errenteriako PPko zinegotzia hiltzea leporatuta. 1998ko ekainaren 25ean hil zuten ordezkari popularra, moto-bonba bat leherrarazita. Atentatuan, Zamarreñoren bizkartzaina eta inguruan zegoen beste emakume bat ere zauritu zituzten.

Ebazpenaren arabera, halaber, Zamarreñoren alargunari eta seme-alabei milioi erdiko kalte-ordaina eman beharko diete bi auzipetuek, eta 600.000 eurokoa, zauritutako bizkartzainari.

Hainbat delitu leporatu dizkiete Garcia Gazteluri eta Gallastegiri; hilketa terrorista, hilketa terroristaren saiakera eta armak eta lehergaiak izatea eta garraiatzea helburu terroristarekin, besteak beste.

Hau zure interesekoa bada, baliteke beste gai hauek ere izatea
Auzitegi Nazionala Politika Euskadi Ta Askatasuna albisteak Epaiketak Euskadiko PP Eguneko albisteak Errenteria Albisteak Madril