Politika -

ERRELEBOA

Marisol Garmendia izango da Espainiako Gobernuak EAEn duen ordezkaria, Denis Itxaso ordezkatuz

Itxasok kargua utziko du, PSE-EEren Gipuzkoako zerrendaburua izango baita Eusko Legebiltzarrerako hauteskundeetan. Gaur egun, Donostiako bigarren alkateorde denak bi astean hartuko du kargua, segur aski, martxoaren 12an.

Marisol Garmendia, gaur Donostian eskaini duen prentsaurrekoan. Argazkia: EFE
Marisol Garmendia, gaur Donostian eskaini duen prentsaurrekoan
Marisol Garmendia, gaur Donostian eskaini duen prentsaurrekoan. Argazkia: EFE

AGENTZIAK | EITB MEDIA

Whatsapp Facebook Twitter Telegram Email

Marisol Garmendia Donostiako Udaleko zinegotzi sozialista eta bigarren alkateordea dena izango da Espainiako Gobernuak Euskal Autonomia Erkidegoan duen ordezkaria. Denis Itxaso ordezkatuko du karguan, PSE-EEren Gipuzkoako zerrendaburua izango baita Eusko Legebiltzarrerako hauteskundeetan.

Itxasok berak baieztatu du bere ordezkoa izango denaren izena Radio Euskadin egin dioten elkarrizketan. "Nire ustez, errelebo ona izango da", gaineratu du. Lehenengo emakumea izango da Espainiako Gobernuaren EAEko ordezkari postuan, eta euskalduna da.

Aldaketa pare bat astean gauzatuko dela aurreikusi du Itxasok. Azaldu duenez, martxoaren 12ko Ministroen Kontseiluan izendatu dezakete ordezkari berria. 

Hau zure interesekoa bada, baliteke beste gai hauek ere izatea
Donostiako Udala albisteak Politika Euskal Autonomia Erkidegoa albisteak Espainiako Gobernua PSE-EE berriak Denis Itxaso Eguneko albisteak Albisteak