Politika -

SENATUA

Gernikako bonbardaketaren biktimak erreparatzeko ekitaldia egitea adostu dute EAJk eta PSOEk

EAJk Senatuan aurkeztutako hasierako testuan, talde jeltzaleak barkamena exijitzen zion Espainiako Gobernuari. Azkenean, baina, erdibideko zuzenketa bat adostu dute jeltzaleek eta sozialistek, eta barkamena eskatu beharrean erreparazio ekitaldia egingo du Gobernuak.

Fernando Martinez Lopez Estatu idazkaria Gernikako bonbardaketaren 85. urteurrenean. Argazkia: EFE
Fernando Martinez Lopez Estatu idazkaria Gernikako bonbardaketaren 85. urteurrenean
Fernando Martinez Lopez Estatu idazkaria Gernikako bonbardaketaren 85. urteurrenean. Argazkia: EFE

EITB MEDIA

Whatsapp Facebook Twitter Telegram Email

Azken orduko ezustekorik ezean, Gernikako bonbardaketari buruzko mozioa onartuko dute gaur Espainiako Senatuan. EAJk aurkeztutako hasierako testuan barkamena exijitzen zion Espainiako Gobernuari. Sozialistekin negoziatu ondoren, ordea, erdibideko zuzenketa bat adostu dute, eta barkamena eskatu beharrean erreparazio ekitaldia egingo du Espainiako Gobernuak. 

PSOEk ez du Gernikako bonbardaketaren gaineko barkamena eskatzeko exijentzia onartu, beraiek ere biktimen oinordekoak direla argudiatuta.

Gaur 09:00etatik aurrera egingo den bozketan, EAJk eta PSOEk ez ezik, EH Bilduk, Kataluniako eta ezkerreko alderdiek ere babestuko dute ekimena; PPk eta Voxek, berriz, kontra bozkatuko dute.

EAJk pauso positibotzat jo du aurten, lehen aldiz, Espainiako Gobernuaren ordezkaritza batek Gernikako bonbardaketa gogoratzeko ekitaldian parte hartu izana, baina gehiago behar dela adierazi du Estefania Beltran de Heredia jeltzaleen Senatuko bozeramaileak.

Hau zure interesekoa bada, baliteke beste gai hauek ere izatea
Gernikako bonbardaketa Berriak Politika EAJ-PNV Gipuzkoa PSOE Espainiako Gobernua argazkiak Gernika-Lumo albisteak Albisteak Gaur Gaurko azken orduko albistea Senatua