Politika -
Presoak
Iruñeko kartzelara gerturatuko dute Joxe Javier Arizkuren, Logroñora beharrean
Bestalde, iragarri dute Alberto Lopez de la Calle, Luis Mariñelarena, Manex Zubiaga, Gotzon Aranburu eta Juan Manuel Intziarte Euskal Herritik hurbilago dauden espetxeetara eramango dituztela.
EiTB MEDIA
Espetxe Zuzendaritzako Idazkaritza Nagusiak erabaki du Joxe Javier Arizkuren Ruiz presoa Iruñeko kartzelara gerturatzea, Logroñokora eraman beharrean.
Barne Ministerioak ostiral honetan eman du erabaki horren berri. Bestalde, iragarri du beste bost preso hurbilduko dituztela Euskal Herrira edo gertu dauden espetxeetara: Alberto Lopez de la Calle, Luis Mariñelarena, Manex Zubiaga, Gotzon Aranburu eta Juan Manuel Intziarte, hain zuzen ere.
Bost preso horiek lehenengo gradutik bigarrenera pasatuko dira, Espetxe Zuzendaritzak zehaztu duenaren arabera. Arizkurenen kasuan, ez dute argitu zein gradutan egongo den.
Azaroaren 29an Murtziako presondegira eraman zuten Arizkuren, bihotzekoa izan ostean. Orduan jakinarazi zuten Logroñora gerturatzeko asmoz zebiltzala, baina irizpidea aldatuta, azkenean Iruñera hurbilduko dute.
