Politika -
Koronabirusa
Etxeratze-aginduaren kudeaketa erkidegoen esku utziko du Espainiako Gobernuak
Alarma-egoera luzatzeko dekretua azaroaren 9an sartuko da indarrean eta egun horretatik aurrera Eusko Jaurlaritzaren eta Nafarroako Gobernuaren esku egongo dira etxeratze-aginduari buruzko erabakiak.
AGENTZIAK | ERREDAKZIOA
Espainiako Gobernuak autonomia erkidegoen esku utziko du etxeratze-aginduaren kudeaketa azaroaren 9tik aurrera. Hala dago jasota alarma-egoera luzatzeko gaur onartu duen dekretuan. Ezustekorik ez bada, Kongresuak datorren ostegunean berretsiko du agindua.
Euskal Autonomia Erkidegoan eta Nafarroan etxeratze-agindua 23:00etatik 06:00etara ezarri dute. Azaroaren 9tik aurrera Eusko Jaurlaritzaren eta Nafarroako Gobernuaren esku egongo da neurri hori mantentzea edo baliogabetzea.
Alabaina, gobernu autonomikoek inolako erabakirik hartuko ez balute, "etxeratze-aginduak egungo baldintzetan jarraituko du indarrean".
Espainiako Gobernuak alarma-egoera sei hilabetez luzatu nahi du, Alderdi Popularra eta oposizioko beste talde asko, tartean neurri horren alde bozkatu dezaketenak, iraupen horren aurka agertu dira, gehiegizkoa dela iritzita.
