Politika -
Eusko Jaurlaritza
Jonan Fernandez, Trantsizio Soziala eta 2030 Agenda departamenduko idazkaria
Garapen jasangarriaren arloan, Eusko Jaurlaritzaren eta Nazio Batuen Erakundearen agendak lerrokatzea izango da aurrerantzean bere ardura.
AGENTZIAK | ERREDAKZIOA
Giza Eskubideak, Bizikidetza eta Kooperazioa Idazkaritzan zortzi urtez zuzendu ostean, Jonan Fernandez Trantsizio Soziala eta 2030 Agenda departamenduko idazkaria izango da aurrerantzean Eusko Jaurlaritzan. Departamentu berria da.
Iñigo Urkullu lehendakariak hainbat aldaketa egin ditu Gobernuan. Hala, Emakunde; Memoria, Bizikidetza eta Giza Eskubideen Gogora Institutua; eta Garapenerako Kooperazio Agentziak Lehendakaritzatik Berdintasuna, Justizia eta Gizarte Politikak Sailera pasatu ditu. Beatriz Artolazabal sailburuaren ardurapean egongo dira.
Aldaketa horien baitan, Trantsizio Soziala eta 2030 Agenda izeneko departamendua sortu du eta Jonan Fernandez jarri du idazkaritza horren buruzagitzan.
Besteak beste, Garapen jasangarriaren arloan, Eusko Jaurlaritzaren eta Nazio Batuen Erakundearen agendak lerrokatzea izango da aurrerantzean bere ardura.
