Konfinamendurik ez bada, Diadako ekitaldiak egingo direla ziurtatu du ANCk

Elisenda Paluzie ANCko presidenteak asteazken honetan adierazi duenez, Diadarako aurreikusitako manifestazioa egingo da, "segurtasun neurri zorrotzak" izango dituelako eta ezin zaielako "oinarrizko eskubideei uko egin", eta irailaren 10ean Katalunia "erabateko konfinamenduan" balego bakarrik geratuko litzake bertan behera Paulizek adierazi duenez.

RAC 1i egindako adierazpenetan, Paluziek azaldu du orain arte Assembleak 90 kontzentrazio-puntu dituela baieztatuta Kataluniako 62 udalerritan, baina kopuru hori handitzeko ateak irekita dadela gehitu du, eskualdeetako hiriburu jakin batzuetan jendea metatzea saihesteko.

ANCk manifestazio "deszentralizatua" diseinatu du lurraldeko hainbat tokitan, Estatuko eraikinen inguruan, batez ere Ogasuneko ordezkaritzetan, Gizarte Segurantzako Diruzaintzetan eta Enplegu Zerbitzu Publikoaren (SEPE) egoitzetan, baita tren geltokietan eta epaitegietan ere, Kataluniaren independentzia krisitik ateratzeko "tresna" bakarra dela adierazteko.

Paluziek baieztatu duenez, ANCren "antolaketa gaitasuna" Diadan manifestatzeko eskubidea babesteko eta urruntasuna eta maskara erabiltzeko osasun neurriak bermatzeko "zerbitzura" jarriko du.

Gainera, Paluziek lurrean, manifestariak kokatzeko lekua klarionaz edo pintura ez iraunkorraz markatzeko esan du, Diadan segurtasun tartea betetzeko.

Kontzentrazio horietako bat Bartzelonako Unibertsitatearen (UB) eraikin historikoaren aurrean egingo dela eta, Paluziek erantzun du eraikin hori ez zegoela ANCk hasiera batean aurreikusten zuen lekuen zerrendan, baina, erakundearen unibertsitateen sektorekoak proposatuta, gehitu egin zela.

Era berean, Paluziek garrantzia kendu die UB eta Universitat Autònoma de Barcelona (UAB) erakundeetako errektoretzei buruz egin zituen adierazpenei, "unionistek" kontrolatzen dituztela esan baitzuen, eta unibertsitate horiek urriaren 1eko auzipetuei emandako "laguntza falta" soilik aipatu du.