Politika -
XII. LEGEALDIA
Eusko Legebiltzarrak beste urrats bat eman du inbestidura saiorako
Bateraezintasunen behin-behineko batzordeko kideak izendatzeko osoko bilkura egin du Gasteizko Ganberak.
AGENTZIAK | ERREDAKZIOA
Eusko Legebiltzarrak beste tramite bat bete du ostegun honetan, irailaren hasieran lehendakaria izendatzeko osoko bilkura egin ahal izateko.
Bateraezintasunen behin-behineko batzordeko kideak izendatzeko osoko bilkura egin du Gasteizko Ganberak; legebiltzarkideen ondasunak eta jarduerak aztertzeaz arduratuko da, haien egokitasuna zehazteko.
Batzorde horrek astebeteko epean bere irizpena lantzeko asmoa du, hilaren 13an berriro osoko bilkura egin eta onar dezan. Osoko bilkura amaitzean iragarriko du Bakartxo Tejeria Eusko Legebiltzarreko presidenteak noiz egingo duten lehendakaria izendatzeko saioa.
Osoko bilkura hori iraileko lehen astean egingo da ziurrenik, eta datorren hilaren 3an egin daiteke, Ganbera eratu eta hilabetera hamabigarren legegintzaldian.
