Patxi Ruizi babesa adierazteko elkarretaratzea egin dute Basauriko espetxe aurrean

ETAko presoaren aldeko mezuekin pankartak erakutsi eta “amnistia osoa” aldarrikatu dute. PSOEren aurkako oihuak entzun dira protestan.

Elkarretaratzea Basauriko espetxearen aurrean. Argazkia: EFE

eitb.eus

publikatuta: 2020/06/06 19:44 (UTC+2)

azken eguneratzea: 2020/06/06 21:18 (UTC+2)

70 bat pertsonak elkarretaratzea egin dute larunbat honetan, Basauriko (Bizkaia) espetxearen aurrean, Patxi Ruiz ETAko presoari babesa adierazteko. Ruiz gose greban dago.

Amnistiaren aldeko eta errepresioaren aurkako mugimenduak deitu du elkarretaratzea. 13:00etan hasi da, eta PSOEren aurkako oihuak entzun dira bertan.

ETAko presoaren aldeko mezuekin pankartak erakutsi eta “amnistia osoa” aldarrikatu dute.

Amnistiaren aldeko eta errepresioaren aurkako mugimenduak azaldu duenez, Patxi Ruizek bere 27. eguna bete du gose greban, larunbat honetan. Hauei lehenengo hamabi egunetan egindako egarri greba batzen zaizkio.

Presoa erizaindegiko moduluan jarraitzen du isolatuta.

Los concentrados ante la cárcel de Basauri (Bizkaia). Foto: EFE