Politika -
Kartzela politika
Foro Sozialak uste du "beharrezko adostasuna" dagoela presoak gerturatzeko
"Premiazko"tzat jo du, deseskalatze prozesuaren baitan, presoen urruntzea amaitzea.
agentziak | erredakzioa
Foro Sozialak uste du "premiazkoa" dela, deseskalatze prozesuaren baitan, presoak euskal kartzeletatik urruntzeko erabakia amaitzea; izan ere, gerturatzeak "nahikoa adostasun politiko eta gizartearen babesa" duela iritzi dio.
Foro Sozialak begi onez jo du gaur, ohar batean, Eusko Jaurlaritzak osasun krisia dela eta presoak gerturatzeko egindako eskaera, eta gaiari "behin betiko" irtenbide "erabatekoa" emateko "adostasunak egonkortu" egin direla uste du.
Azpimarratu duenez, "diagnosi partekatua" egin dute COVID-19aren krisiak presoengan eta senideengan duen eraginaz, bisitak egiteko "ezintasuna" eta haiekin komunikatu ezina dela eta.
Gainera, Eusko Jaurlaritzaren proposamenak duen adostasun maila Eusko Legebiltzarraren % 88ra iristen dela gogorarazi du, EAJ eta PSE-EEz gain, EH Bilduren, Elkarrekin Podemosen eta Equoren oniritzia duelako.
Foro Sozialak gaineratu du azken asteetan Eusko Legebiltzarrean, Nafarroako Parlamentuan, Batzar Nagusietan eta udaletan hainbat "ekimen politiko, sindikal eta sozial" egin direla zentzu horretan.
