Politika -
Europako Parlamentua
Puigdemont, Junqueras eta Comin Europako Parlamentuaren webgunean ageri dira
Eurodiputatu guztien izena jasotzen duen webgunearen atalean, haien izenak agertzen dira, Europako Parlamentuak astelehen honetan baldintza hori formalki aitortu ondoren.
Agentziak | Erredakzioa
Carles Puigdemont Generalitateko presidente ohia, Oriol Junqueras Generalitateko presidenteorde eta ERCko buruzagi ohia eta Toni Comin kontseilari ohia eurodiputatu gisa agertzen dira dagoeneko Europako Parlamentuaren webgune ofizialean.
Eurodiputatu guztien izena jasotzen duen webgunearen atalean ageri dira horien izenak, Europako Parlamentuak urtarrilaren 6an, astelehenean, formalki aitortu ostean. Akta bere gain hartzeko behar diren legezko tramiteak osatzearen zain daude.
Puigdemonten eta Cominen profilean ez dira oraindik argazkiak agertzen, eta ez da zehazten zein alderditakoak diren; Junquerasen profilean, ordea, Europako Berdeen/Aliantza Librearen Taldeko kidea dela jasotzen da, eta haren argazkia ere badu.
Oriol Junqueras eurodiputatuaren atala Europako Parlamentuaren webgunean.
Antoni Comín eurodiputatuaren atala Europako Parlamentuaren webgunean.
Carles Puigdemont eurodiputatuaren atala Europako Parlamentuaren webgunean.