Sakabanaketa politika bukatzeko 'ardura eta ausardia' eskatu die Etxeratek gobernuei

Diezen arabera, azken 30 urteotan 16 pertsona hil dira 'sakabanaketa politikaren ondorioz izandako 344 auto istriputan'.

Etxeraten elkarretaratzea, Donostian. Argazkia: EiTB. — Etxeraten elkarretaratzea, gaur, Donostian. Argazkia: EiTB.

AGENTZIAK | ERREDAKZIOA

azken eguneratzea: 2019/08/04 14:19 (UTC+2)

Etxerat euskal presoen senideen elkarteak sakabanaketa politika bukatzeko eskatu die, beste behin, alderdi politikoei eta gobernuei, eta, horretarako, "ausardia eta ardura" eskatu ditu.

Urtero bezala, abuztutuko lehen igandean, elkarretaratzeak egin dituzte Euskal Herriko hainbat hondartzatan, euskal presoen eskubideen alde.

Naike Diez Etxerateko eledunak Donostiako bilkuran hartu du parte, eta hedabideen aurrean esan duenez, euskal gizartearen gehiengoak bakearen bidea landu nahi du. Bide horretan, bere ustez, ez du zentzurik ehunka familiak politika horren ondorioz jasaten duten sufrimendua luzatzea.

Etxeraten arabera, azken 30 urteotan 16 pertsona hil dira "sakabanaketa politikaren ondorioz izandako 344 auto istriputan".

Euskal presoen eskubideen defentsan lan egiteagatik 11/13 sumarioan auzipetutako 47 lagunei elkartasun mezua igorri die Diezek. Irailean hasiko da haien kontrako epaiketa Auzitegi Nazionalean

Hau zure interesekoa bada, baliteke beste gai hauek ere izatea

Politika Donostia Eusko Jaurlaritza Espainiako Gobernua Presoak Frantzia Eguneko albisteak Albisteak

Sakabanaketa politika bukatzeko 'ardura eta ausardia' eskatu die Etxeratek gobernuei

Esteka kopiatuta