Politika -

PRESOAK

Euskal ordezkaritza eta Frantziako Justizia Ministerioa harremanetan dira berriro

Ekainaren 7an biltzar bat egingo dute Biarritzen eta ekainaren 8an giza kate bat, bake prozesuari eta presoen auziari bultzada bat emateko.

Betbdeder, Veunac, Funosas, Berhokoirigoin eta Etchegaray. Argazkia: @Artisans_Paix
Betbdeder, Veunac, Funosas, Berhokoirigoin eta Etchegaray, Biarritzeko agerraldian
Betbdeder, Veunac, Funosas, Berhokoirigoin eta Etchegaray. Argazkia: @Artisans_Paix

EITB.EUS

Whatsapp Facebook Twitter Telegram Email

Ipar Euskal Herriko ordezkaritza eta Frantziako Justizia Ministerioa harremanetan dira berriro, presoen auzia hizpide, Bake Bideak jakinarazi duenez, eta "laster" presoen hurbilketan aurrerapausoak espero dituela azpimarratu du.

Mixel Berhokoirigoinen hitzetan, urtarrilean hasi zituzten elkarrizketak eta biziarteko zigorrera kondenatutako hiru presoren egoera izan dute ahotan, kasuak berriro aztertu eta baldintzapean aske utz ditzatela eskatzeko.

Hala iragarri zuten atzo Biarritzeko Bellevue kasinoan eskainitako prentsaurrekoan. Agerraldian parte hartu zutenen artean daude, Anaiz Funosas, Bake Bideako presidentea; Mixel Berhokoirigoin, Ipar Euskal Herriko ordezkaritzako kidea; Jean-Rene Etchegaray, Euskal Elkargoko presidentea; Michel Veunac Biarritzeko alkatea eta Lucien Betbeder Auzapezen Biltzarreko presidentea.

Bestalde, ekainaren 7an eta 8an biltzar bat eta giza kate bat egingo dituzte Biarritzen, bake prozesuari eta presoen auziari bultzada emateko. Ekainaren 7an (ostirala) biktimen lekukotzak entzungo dira.

Sarek, bere aldetik, hurrengo egunean Biarritzen egingo den giza katean parte hartzeko deia egin du.

Hau zure interesekoa bada, baliteke beste gai hauek ere izatea
Politika albisteak Iparraldea berriak Presoak Frantzia argazkiak Albisteak Gaur Gaurko azken ordukoa Bakea eta adiskidetzea Euskadin