Urkullu: 'Notre Dameko suak ondare historiko, kultural eta erlijioso bat kaltetu du'

Parisko Notre Dame katedralaren sutea deitoratu du Iñigo Urkullu lehendakariak. Haren esanetan, suak "ondare historiko, artistiko, kultural eta erlijioso unibertsala kaltetu du".

Twitter eta Facebook sare sozialetan dituen kontuetan mezua argitaratu du lehendakariak. Nabarmendu duenez, katedralean izandako kalteak "gizateria guztiarentzat galera bat dira, muga guztiak gainditu eta giza sentsibilitatea bete-betean kolpatzen duelako".

Hori horrela, Urkulluk bere elkartasuna adierazi nahi izan die Parisko eta Frantziako bizilagunei, "eta bereziki munduko katoliko guztiei".