Nafarroako Parlamentuak Bardeako maniobra militarrak errefusatu ditu

Gainera, tiro-eremua ixtearen “aldeko jarrera” berretsi du Ganberak.

Ehiza-hegazkinak Bardean (Nafarroa). Artxiboko argazkia: Defentsa Ministerioa

Agentziak | Erredakzioa

azken eguneratzea: 2019/03/25 20:43 (UTC+1)

Nafarroako Parlamentuaren Bozeramaileen Batzordeak adierazpen instituzionala onartu du, Bardeako tiro-eremuan egiten ari diren maniobra militarrak errefusatzeko. Oposizioko taldeak aurkako botoa eman dute. Astelehen honetatik ostiralera izango dira maniobrak.

Geroa Baik, EH Bilduk, Podemos-Ahal Dugu-Orain Baik eta Ezkerrak bultzatutako ekimena aurrera atera da. UPNk, PSNk eta PPNk kontrako botoa eman dute. Bozeramaileen Batzordea Castejonen bildu da.

'Sirio 19' operazioaren markoan, tiro-eremuan egin beharreko maniobra militarrak arbuiatu ditu Ganberak testuan.Gainera, tiro-eremua ixtearen “aldeko jarrera” berretsi du.

Hau zure interesekoa bada, baliteke beste gai hauek ere izatea

Politika Nafarroa Eguneko albisteak Albisteak Nafarroako Parlamentua

Nafarroako Parlamentuak Bardeako maniobra militarrak errefusatu ditu

Esteka kopiatuta