Pablo Casado: 'Guztientzako paperak ezinezkoa da'

Pablo Casado Alderdi Popularreko presidenteak immigrazioa izan du hizpide igande honetan. Auzi horren inguruan "demagogiarik gabe" hitz egin behar dela azpimarratu du, esanez "guztientzako paperak ezinezkoa" dela. Gainera, Aquarius ontzian egindako bisita dela-eta, "migratzaileak erakartzea" leporatu dio Pedro Sanchezen Gobernuari.

Avilan izandako PPren Probintzia-Batzarrean Casadok adierazi duenez, migratzaileen irudiek "hunkitu gaituzte, baina PP ezin da populista izan". "Espainiak ezin ditu hartu etorkizun hobe baten bila Europara datozen milioika afrikar", ondorioztatu du.

Bestalde, PPren buruak "Le Penen aldeko bira" eman duela kritikatu du Immigrazioaren Espainiako Sareak. Horren iritzian, Casadoren adierazpenek baieztatu dute "PPk bat egiten duela Italiako eta Hungariako muturreko eskuinarekin".