Politika -
Giza Eskubideen Eguna dela eta
PPk presoen zigorrak luzatzen ditu mendekua egiteko, EH Bilduren ustez
“Kartzelaldiak luzatzeko eta presoak bahituta mantentzeko maniobrak”, Frantziako kartzeletan igarotako denbora aintzat ez hartuz, “Parot doktrinaren akatsa errepikatu du”, esan du koalizioak.
Erredakzioa
Julen Arzuaga EH Bilduren legebiltzarkideak salatu duenez, PPren Gobernuak “mendekua” egiten die presoei, espetxealdien gaineko zuzentarau europarrei “aurre egiteko zuzenbide-ingeniaritzaz” baliatzeko.
Bihar ospatzekoa den Giza Eskubideen Nazioarteko Eguna dela eta Bilbon egindako prentsaurreko batean, Arzuagak baieztatu egin du “zigorrak luzatzeko eta presoak bahituta mantentzeko maniobrak”, Frantziako kartzeletan igarotako denbora aintzat ez hartuz, “Parot doktrinaren akatsa errepikatu du”.
“Garai horretan porrot egin zuten bezala, oraingoan ere egingo du legezko iruzur berri honekin”, esan du.
Arzuagaren ustean, Gobernuaren saiakera “espetxe politikaren krudeltasunaren eta duintasun ezaren adibide besterik ez da”, eta “krudela eta ankerra” dela adierazi du.
“Hiru urte igaro dira ETAk jarduera armatua amaitutzat eman zutenetik, eta kartzeletako egoerak okerrera baino ez du egiten. PPk muturrera eraman du berez salbuespenekoa den egoera, presoak bahitu politikoak balira jarduten, herri honek bere helburua lor ez dezan”, EH Bilduren legebiltzarkideak gaineratu duenaren arabera.
