Politika -
Gazarekin elkartasuna
Israelekin harremanak eten ditzala eskatu diote Eusko Jaurlaritzari
Ehun pertsona inguruk elkartasuna helarazi diete palestinarrei Bilboko Guggenheim museoaren ataritik, eta, aldi berean, Israelek egindako erasoak gaitzetsi dituzte.
Erredakzioa
Bilboko Guggenheim museoaren parean eginiko kontzentrazio baten bitartez, Israelek Gazako Zerrendan gauzatutako erasoa gaitzetsi eta Eusko Jaurlaritzari Israelekin dituen harremanak eten ditzan eskatu diote ehun pertsona inguruk.
Kontzentrazioan parte hartu duten pertsonek "Palestina Askatu. Israeli boikot" bezalako lemak erakutsi dituzte. Bertan, azaldu dute "Israelek Gazaren aurka egindako genozidioaren aurrean", ezin dutela onartu "Eusko Jaurlaritzak Israelekin harreman ekonomiko zein diplomatikoak izaten jarraitzea".
Horrenbestez, eskatu diote harreman horiek bertan behera utzi ditzala "Estatu genozida baten konplizea izateari uzteko".
