Politika -
Botere Judizialaren kontseilua
Bake prozesurako batzordeko kide izateko baimena ukatu diote Biurruni
Akordioak Botere Judizialaren Kontseilu Nagusiko batzorde iraunkorreko kideen aldeko bost boto eta Merce Pigemen boto zuria jaso ditu.
Erredakzioa
Garbiñe Biurrun Euskal Autonomia Erkidegoko Justizia Auzitegi Nagusiko Lan Arloko Salako presidenteak ezingo du Foru Sozialak bultzatutako Bake Prozesua Bultzatzeko Batzordeko kide izan, Botere Judizialaren Kontseilu Nagusiak erabakitakoaren arabera.
Batzorde iraunkorrak ukatu egin du astearte honetan gehiengoz Foru Sozialeko magistratuak egindako eskaera. Akordioak batzorde iraunkorreko kideen aldeko bost boto eta Merce Pigemen boto zuria jaso ditu.
Epaileen gobernu erakundearen ustez, magistratuak eskatutako jardueraren bateragarritasunak epaileei debekatuta dagoen aholkularitza juridikoa dakar. Halaber, "beste botere judizialak zentsuratu edo zoriontzea eragin dezake, Botere Judizialeko kideen beharrezko independentzia baldintzatuz".
Botere Judizialaren Kontseilu Nagusiak zortzi eguneko epean egun duen karguaren eta Foru Sozialak sustatutako Bake Prozesua Bultzatzeko Batzordeko kidea izatearen artean hautatzeko eskatu dio Biurruni.
Ez diote ofizialki jakinarazi
Batzorde Judizialaren Kontseilu Nagusiak ez dio oraindik erabakiaren berri eman, baina magistratuak ez du akordio horren inguruan mintzatu nahi izan, ofizialki jakinarazi ez diotelako.
