EH Bildu: 'Eusko Jaurlaritzak oposizioaren bideari eutsi behar dio'

Euskadiko hezkuntzaren eragileek "zabaldutako bidea" jarraitzeko eskatu dio gaur Juanjo Agirrezabala EH Bilduko legebiltzarkideak Eusko Jaurlaritzari, Hezkuntzaren Kalitatea Hobetzeko Lege Organikoaren aurrean "oposizio bat eraikitzeko".

Agirrezabalak agerraldia egin du Belen Arrondo alderdikidearekin batera. Iragan larunbatean Bilbo hartu zuen manifestazioa goraipatu dute EH Bilduko ordezkariek. Lege-proiektua Kongresuan onartu eta gero Senatura helduko da.

Mobilizazio horrekin Hezkuntzaren Kalitatea Hobetzeko Lege Organikoari "ezetz esan dio Euskal Herriak", Agirrezabalaren ahotan. Ondorioz, arau hori ez aplikatzeko zer egingo duen argitu behar du Urkulluren Gobernuak, erantsi du.

"Gobernuaren ordua da. Exekutiboak du hitza, hezkuntzako eragileek oposizio bat eraikitzeko eta hezkuntza sistema propio baten aldeko bidea zabaldu diotelako", adierazi du.

Lege organikoa Euskadin efekturik gabe uzteko Eusko Jaurlaritzari laguntzeko konpromiso "zintzoa" azaldu du Agirrezabalak.