Su-etena, gertuago Gazan

Israelgo eta Hamasen gobernuak su-etena adosteko zorian egon litezke, Haaretz egunkari israeldarrak jakinarazi duenez.

Bi aldeak Egipton negoziatzen ari dira egunotan, herrialde horretako Gobernua bitartekari, eta gaurko bilera giltzarria izan liteke, betiere aipatu kazetaren esanetan.

Israel gaur astebete hasi zen Gazari erasotzen, eta ordutik 100dik gora palestinar hil ditu, horietako % 40, umeak eta emakumeak.

Osasunaren Mundu Erakundeak gaineratu duenez, 700 pertsona inguru ospitaleratuta daude, tartean 252 ume.

Hori horrela, nazioartea su-etena lortzeko presio egiten ari da. Adibidez, Turkiako Gobernuak bi ordezkari bidali ditu Kairora, negoziazioetan parte hartzeko. Egiptoko hiriburura Ban Ki-moon NBEko presidentea ere joan zen atzo, eta Barack Obama AEBetako presidenteak Hillary Clinton Estatu idazkaria bidali du, Kairora, Jerusalemera eta Ramallhara.

Errusiak ebazpen bat aurkeztuko du NBEko Segurtasun Kontseiluan, indarkeria amaitzeko helburuz. Testuak hiru eskaera egingo ditu: su-etena egitea, nazioarteak krisia konpontzen laguntzea eta israeldarrek eta palestinarrek bake-negoziazioak berriz abiatzea.

Asteazkenean, hots, Isralek erasoaldia hasi zuenean, batzartu egin zen Segurtasun Kontseilua, baina ez zuten adierazpenik onartu, AEBek (Israelen aliatu dira) galarazi egin baitzuten.

Lurreko inbasioaren mehatxua giroan dago Kairoko negoziazioetan, baina, oraingoz behintzat, Israelek atzeratzea erabaki du, balizko su-etenaren zain.

Israelgo eta Hamasen gobernuak su-etena adosteko zorian egon litezke, Haaretz egunkari israeldarrak jakinarazi duenez.Bi aldeak Egipton negoziatzen ari dira egunotan, herrialde horretako Gobernua bitartekari, eta gaurko bilera giltzarria izan liteke, betiere aipatu kazetaren esanetan.Israel gaur astebete hasi zen Gazari erasotzen, eta ordutik 100dik gora palestinar hil ditu, horietako % 40, umeak eta emakumeak.Osasunaren Mundu Erakundeak gaineratu duenez, 700 pertsona inguru ospitaleratuta daude, tartean 252 ume.Hori horrela, nazioartea su-etena lortzeko presio egiten ari da. Adibidez, Turkiako Gobernuak bi ordezkari bidali ditu Kairora, negoziazioetan parte hartzeko. Egiptoko hiriburura Ban Ki-moon NBEko presidentea ere joan zen atzo, eta Barack Obama AEBetako presidenteak Hillary Clinton Estatu idazkaria bidali du, Kairora, Jerusalemera eta Ramallhara.Errusiak ebazpen bat aurkeztuko du NBEko Segurtasun Kontseiluan, indarkeria amaitzeko helburuz. Testuak hiru eskaera egingo ditu: su-etena egitea, nazioarteak krisia konpontzen laguntzea eta israeldarrek eta palestinarrek bake-negoziazioak berriz abiatzea.Asteazkenean, hots, Isralek erasoaldia hasi zuenean, batzartu egin zen Segurtasun Kontseilua, baina ez zuten adierazpenik onartu, AEBek (Israelen aliatu dira) galarazi egin baitzuten.Lurreko inbasioaren mehatxua giroan dago Kairoko negoziazioetan, baina, oraingoz behintzat, Israelek atzeratzea erabaki du, balizko su-etenaren zain.